Operacionet e njëpasnjëshme të Drejtorisë Vendore të Policisë Shkodër kundër kultivimit të bimëve narkotike me anë të llambave kanë sjellë rezultate konkrete. Policia ka finalizuar fazën e katërt të operacionit policor të koduar “Neonët 4”, duke e çuar në 7 numrin e ambienteve të zbuluara dhe goditura në kuadër të këtij aksioni.
Sipas Policisë, një 22-vjeçar nga Vau i Dejës, i identifikuar si Gjovalin Binaku, ishte marrë me qira një banesë në Velipojë, të cilën e kishte përshtatur për kultivimin dhe tharjen e bimëve narkotike kanabis me anë të llambave. Ai u arrestua në flagrancë gjatë ndërhyrjes së forcave të rendit.
Po në kuadër të operacionit, u ndalua shtetasi Robert Vata, 25 vjeç, banues në Shkodër, ndërsa nisi procedimi penal për dy punonjës të OSHEE-së, A. U., 50 vjeç, dhe Gj. T., 59 vjeç, banues në Velipojë, të dyshuar për veprën penale “Shpërdorimi i detyrës”, kryer në bashkëpunim.
Çfarë u sekuestrua
Gjatë kontrolleve në banesën e përshtatur për veprimtari kriminale në Velipojë, Policia gjeti dhe sekuestroi:
308 bimë të dyshuara narkotike kanabis
85 gramë kanabis të tharë
122 pajisje elektrike që shërbenin për kultivimin e bimëve narkotike
4 aparate celularë
Ndërkohë, nga kontrolli në banesën e Robert Vatës, u sekuestruan:
3 llamba
1 përforcues grushti (A2 Televizion)
A2 CNN Livestream
MUND TE LEXONI GJITHASHTU
