Ilir Alimehmeti ka deklaruar se opozita ka treguar “vullnetin e palëkundur të të gjitha forcave qytetare opozitare të Tiranës për të ndryshuar një herë e mirë modelin politik që ka abuzuar në mënyrë të vazhdueshme me jetën dhe shërbimet e përditshme të qytetarëve të Tiranës”.
“Përshëndes përzemërsisht vendimin qytetar dhe me integritet të z. Shehaj dhe të Partisë Mundësia për t'u bashkuar me spektrin e plotë opozitar në mbështetje të z. Florjan Binaj si kandidat i pavarur për Kryetar të Bashkisë së Tiranës”, shkruan Alimehmeti në rrjetet sociale.
Postimi i Ilir Alimehmetit:
Përshëndes përzemërsisht vendimin qytetar dhe me integritet të z. Shehaj dhe të Partisë Mundësia për t'u bashkuar me spektrin e plotë opozitar në mbështetje të z. Florjan Binaj si kandidat i pavarur për Kryetar të Bashkisë së Tiranës!
Jam i bindur që z. Shehaj dhe forca që përfaqëson po me të njëjtin integritet dhe qytetari do ta mbështesin fushatën e z. Binaj në çdo hap.
Me këtë vendim bashkimi të plotë opozitar demonstrohet i plotë vullneti i palëkundur i të gjitha forcave qytetare opozitare të Tiranës për të ndryshuar një herë e mirë modelin politik që ka abuzuar në mënyrë të vazhdueshme me jetën dhe shërbimet e përditshme të qytetarëve të Tiranës.
Të gjithë bashkë kundër Absolutizmit Pushtetar!
Të gjithë bashkë për Qytetarinë!
Të gjithë bashkë për Ndryshimin!
(A2 Televizion)
A2 CNN Livestream
MUND TE LEXONI GJITHASHTU
