Avokati Indrit Sefa dhe gazetari Bledian Koka, të ftuar në studion e “Off the Record” nga Andrea Danglli, në A2CNN, debatuan ashpër në lidhje me çështjen e Presidentit Bajram Begaj.
“Para se të merrte detyrën, Presidenti ka qenë mjek i jashtëm dhe ka marrë të ardhura rregullisht nga institucioni spitalor ku ishte. Opozita, kur e ka vënë re këtë gjë, të hetonte pak. Deri në korrik 2022 nuk ka qenë President”, tha Sefa.
“Ama ka qenë shef i Shtabit të Përgjithshëm. A lejohet shefi të bëjë punë të dytë?”, ia ktheu Koka.
“Ka qenë mjek në Spitalin Ushtarak, o zotëri! I ka të deklaruara ato të ardhura. Si President e ka të ndaluar, por si shef Shtabi të Përgjithshëm, nuk e di”, deklaroi Sefa.
Gazetari Bledian Koka iu përgjigj: “Ty të shqetëson kjo që ka bërë opozita. Si ka mundësi që ti di për të justifikuar Presidentin, por nuk di për këto të tjerat. Po bën avokatin e Bajramit”.
“Sigurisht, jam avokat i Presidentit tim”, theksoi Sefa. (A2 Televizion)
A2 CNN Livestream
MUND TE LEXONI GJITHASHTU
