Këshilltari socialist Alfred Muharremi u përplas me aktivistin e Ilir Xhemalaj lidhur me protestën qytetare para Kryeministrisë dhe Kuvendit.
Të ftuar në emisionin “Off the Record” nga Andrea Danglli në A2CNN, Muharremi vuri në dukje elementët e dhunshëm të protestës, të cilët sipas tij kërkojnë destabilitet.
Ndërkohë, aktivisti Xhemalaj shfaqi një nga pankartat e protestës ku shkruhet: “Erdhën plehrat në landfill”, duke iu referuar deputetëve.
Gjatë debatit me tone të ashpra, Muharremi i kërkoj aktivistit ta heqë pankartën, pasi 140 deputetët përfaqësojnë 1,5 milionë votues.
DEBATI
Ilir Xhemalaj: Ky ishte mesazhi me të cilin ne protestuam. Derisa të largohen deputetët që nuk e përfaqësojnë më... Të gjithë janë bashkëfajtor të sistemit. Derisa nuk flasin për hallet që kanë njerëzit. Kjo ishte një nga pankartat kryesore sot. Kemi 36 vjet që s’ndryshon asgjë. Ky vend po zbrazet dhe po shitet. Ka një axhendë për largimin e popullit shqiptar.
Alfred Muharremi: Është një protestë që ka edhe elemente të mira edhe negative për destablitetin e vendit. Këtë pankartën të lutem ta heqi! Sepse nëse ai fut 140 deputetë, ata janë votuar nga 1,5 milionë qytetarë. Nëse pretendon se je shumica ke gjetur vendin e gabuar dhe vazhdo sepse s’do jesh kurrë shumicë me këtë qasje, ku gjuhën e parë keni urrejtjen, të dytën ofendimin dhe këto linçuesit. Thotë i nderuari të iki sistemi, kanë ikur të rinjtë, po të rinjtë që janë pjesë e partive politike. Edhe të rinjtë janë pjesë e linçimit.
Ilir Xhemalaj: Kryeministri na ka quajtur terroristë, na ka quajtur kriminelë! Na kanë quajtur agjentë.
Alfred Muharremi: Nëse ti nuk distancohesh nga këta individë që kërkojnë destabilitet...Kjo s’është protestë! Këta janë huliganë.
Ilir Xhemalaj: Kjo është protesta më e bukur që ka pasur Shqipëria. (A2 Televizion)
A2 CNN Livestream
MUND TE LEXONI GJITHASHTU
