Kryeministri Edi Rama ka vënë në dijeni zyrtarisht presidentin e Republikës, Bajram Begaj për vakancat në disa bashki të vendit, ku sipas ligjit pritet të ketë zgjedhje të pjesshme për zgjedhjen e drejtuesve të rinj.
Kështu, kreu i qeveria ka dërguar në presidencë vakancat për Bashkitë e Tiranës, Beratit, Tepelenës, Cërrikut, Matit dhe Vlorës.
Në shkresën e mbërritur në këtë institucion, kërkohet nga presidenti që të shpallë datën e zgjedhjeve brenda afateve të përcaktuara nga ligji.
Krerët e disa prej këtyre bashkive lanë vendet bosh para 11 majit për të kandiduar për deputetë, ndërkohë që kryebashkiaku i Vlorës dha dorëheqjen vetëm pak javë më parë.
Situata më e ndërlikuar paraqitet me bashkinë e Tiranë, ku kryebashkiaku i shkarkuar tashme nga këshilli bashkiak dhe më vendim të qeverisë ka ankimuar në Kushtetuese vendimin, gjë që mund të mbajë peng dhe mbajtjen e zgjedhjeve të pjessshme. (A2 Televizion)
A2 CNN Livestream
MUND TE LEXONI GJITHASHTU
