Një proces të rëndësishëm e cilësojnë qytetarët e Vlorës zhvillimin e zgjedhjeve për kryebashkiakun e ri të tyre. Në një deklaratë për media disa prej tyre të cilët kanë votuar sapo janë hapur qendrat e votimit shprehen se në këtë ditë ata ushtrojnë forcën e tyre. Ata u bëjnë apel të gjithë qytetarëve për të votuar.
View this post on Instagram
“Kam ardhur herët për të votuar. Është një detyrë që na takon të gjithëve. Duhet të zgjedhim kryetarin e bashkisë. Qytetarët të votojnë, është detyrë për të gjithë”, thotë një qytetar.
“Votova herët. Kisha dëshirë, se është një detyrë e rëndësishme se sot kam forcën me votë. Të votojnë atje ku është më mirë dhe ku kanë vendosur ata. Votova menjëherë nuk pata probleme”, shprehet një tjetër qytetar i Vlorës.
Ndërkohë megjithëse kanë kaluar 45-50 minutat e para, gazetari i A2 CNN Edi Ruçi raporton se pjesëmarrja e votuesve në Vlorë është minimale. Në kutitë e votimit gjen vetëm një votë, por në shumë qendra edhe asnjë votë.
(A2 Televizion)
A2 CNN Livestream
MUND TE LEXONI GJITHASHTU
