Kryeministri Edi Rama ka postuar në llogarinë e tij në Facebook foto të punonjësve të bashkisë teksa largojnë shezlongë nga plazhet publike.
“Në Lungomaren e Vlorës një tjetër sipërfaqe plazhi publik i është rikthyer turistëve dhe qytetarëve”, shkroi Rama në profilin e tij, raporton A2 CNN. Operacioni është pjesë e përpjekjes në mbarë vendin për lirimin e hapësirave publike, i nisur disa ditë më parë.
Kryeministri gjithashtu i bëri thirrje të interesuarve që të aplikojnë për vendet e lira të punës në bashki, për shkak të dorëheqjeve masive që erdhën pas ultimatumit të vetë atij.
“Inkurajoj të gjithë profesionistët e Vlorës të aplikojnë për t’u bërë pjesë e kësaj përpjekjeje, duke u përfshirë në intervistat e punës”, shkroi Rama.
Një ditë më parë, në një mbledhje të gjatë me krerët lokalë, kryeministri u kërkoi që të shkarkonin drejtuesit e njësive administrative dhe madje edhe nënkryetarët. Ai u dha afat deri të hënën kryebashkiakëve, por disa prej tyre e bënë të qartë që nuk do të zbatonin këtë urdhër. (A2 Televizion)
A2 CNN Livestream
MUND TE LEXONI GJITHASHTU
