Silvio Berlusconi, 4 herë kryeministër i Italisë është diagnostikuar me leucemi, sipas burimeve me njohuri mbi çështjen, të cituara nga “Corriere della Sera”.
86-vjeçari gjendet i shtruar në terapi intensive në spitalin San Rafaele që prej ditës së mërkurë, pasi u ankua për probleme në frymëmarrje.
Mjekët bënë me dije se situata mbetet e ndërlikuar, por e qëndrueshme dhe se nata kaloi pa shumë ndryshime për ish-kryeministrin.
Siç u tha, mungesa e oksigjenit në gjak, ka vënë në stres sistemin kardiovaskular dhe një pneumoni e pashëruar e vështirëson edhe më shumë gjendjen.
Vajza e madhe e Berlusconit, Marina, vëllai i tij Paolo Berlusconi dhe partnerja e ish-kryeministrit italian Marta Fassina ndodhen në spital.
Kryeministrja italiane, Giorgia Meloni, i uroi Berlusconit një shërim të shpejtë edhe nga kjo krizë shëndetësore, duke postuar në Twitter: “Forza Silvio” (guxim, Silvio).
Manjati miliarder i medias ka vuajtur nga një sërë problemesh shëndetësore gjatë viteve të fundit, dhe doli nga spitali vetëm javën e kaluar.
Ai është pjesë e koalicionit të djathtë të kryeministres Meloni, edhe pse nuk ka rol në qeveri. (A2 Televizion)
A2 CNN Livestream
MUND TE LEXONI GJITHASHTU
