Dorëhiqet qeveria holandeze e kryeministrit, Mark Rutte. Raportimi vjen nga mediat lokale dhe ato ndërkombëtare. Vendimi erdhi pas skandalit të akuzimit të gabuar të mijëra familjeve për mashtrim me benefitet financiare për fëmijet.
Qeveria holandeze iu kërkoi atyre që t’i kthenin pas paratë e marra. Shumë ishin me prejardhje emigrante dhe vendimi i gabuar i kabinetit të Rutte i zhyti ata në vështirësi të mëdha ekonomike.
“Këto familje pësuan një gabim të pashembullt”, vendosën deputetët holandezë, me zyrtarët e taksave, politikanët, gjykatësit dhe nëpunësit civilë duke e lënë qeverinë të pafuqishme përballë këtij skandali.
Vendimi vjen në një moment delikat të luftës ndaj pandemisë koronavirus. Aktualisht, Holanda gjendet në një izolim të pjesshëm dhe po konsiderohej një ashpërsim i kufizimeve për të frenuar përhapjen e Covid-19. (A2 Televizion)
A2 CNN Livestream
MUND TE LEXONI GJITHASHTU
