Raphinha nuk po shënon thjesht gola… po shkruan historinë e Barcelonës! Braziliani po përjeton një nisje të jashtëzakonshme të sezonit dhe pas tripletës ndaj Sevillas ka arritur në kuotën e 14 golave në 8 ndeshje zyrtare. Një shifër që e ka futur në librat e historisë së klubit katalanas.
Raphinha ka regjistruar nisjen më të mirë golashënuese të një sezoni në historinë e Barcelonës pas tetë ndeshjeve, duke kaluar rekordin e vendosur më parë nga Cesar Rodriguez, i cili kishte shënuar 13 gola në tetë takimet e para të sezonit 1948-49.Dhe forma e brazilianit është edhe më e veçantë. Raphinha ka realizuar dy tripleta radhazi në La Liga, ndaj Racing Santander dhe Sevillas, diçka që te Barcelona e kishin bërë më parë vetëm Lionel Messi dhe Luis Suarez.
Nga krahu i sulmit, tashmë në rolin e qendërsulmuesit, Raphinha është kthyer në pikën kryesore të ofensivës katalanese. 14 gola në 8 ndeshje, rekordi historik i klubit dhe një Barcelonë që nuk di të ndalet. Raphinha po jeton momentin më të artë të karrierës së tij në Katalonjë. (A2 Televizion)
A2 CNN Livestream
MUND TE LEXONI GJITHASHTU
