Asnjë surprizë për Dinamon. Kryeqytetasit i dhanë fund aventurës europiane teksa barazuan 1-1 në Arenen kombëtare me polakët e Jagiellonia. Pas disfatës 3-0 në ndeshjen e parë, detyra e skuadrës së Ilir Dajës ishte shumë e vështirë, shkruan A2 CNN.
Në pjesën e parë blutë tentuan me disa raste të njëpasnjëshme por pa finalizime. Presioni u rrit në të dytën kur Dinamo kaloi në avantazh falë një goli të Dejvi Bregut në minutën e 68’. Një gol që e bëri nëndetësen të shtyhej duke rihapur llogaritë e kualifikimit. Megjithatë diçka e tillë zgjati shumë pak. Jagiellonia shfrytëzoi hapësirat e lëna bosh nga kryeqytetasit dhe barazoi rezultatin në minutën e 79’, duke hipotekuar kualifikimin më tej.
Pavarësisht kësaj, aventura europiane e Dinamos do të mbahet mend gjatë, pasi për herë të parë një skuadër shqiptare arriti të sigurojë Play Offin e Conference League. Fokusi tani do të jetë në kampionat, aty ku blutë të dielën në mbrëmje do të luajnë me Vllazninë. (A2 Televizion)
A2 CNN Livestream
MUND TE LEXONI GJITHASHTU
