Pasi dështoi mbërritja e Harder, Milan po merr masa paraprake në sulm, me Igli Taren që ka sjellë në Itali francezin Christopher Nkunku.
Sulmuesi i Chelsea zbarkoi në aeroportin Linate të Milanos dhe do t'i nënshtrohet vizitave mjekësore këtë mëngjes para se të nënshkruajë me kuqezinjtë.
Ky është një negocim shumë i shpejtë, i cili filloi të mërkurën në mbrëmje dhe tashmë ka arritur në destinacionin e tij përfundimtar. Për francezin, i cili është ndjekur nga afër edhe nga Bayern Munich, kuqezinjtë do të paguajnë 37 milionë euro plus 5 milionë euro në bonuse, me shifrën totale që mund të arrijë deri në 42 milionë euro.
Sulmuesi, i cili shijoi periudhën e tij të artë në Leipzig në sezonin 2022/2023 me 23 gola në 36 paraqitje, do të nënshkruajë një kontratë pesëvjeçare me pagë afërsisht 5 milionë euro në sezon.
Në këto orë vendimtare në lidhje me transferimet në Milanelo ka edhe lëvizje të tjera, pasi Musah te Atalanta, Jimenez te Como dhe Chukwueze te Fulham ende janë në tentativa për tu finalizuar.
Kuqezinjtë janë gjithashtu aktivë në opsione të tjera ofensive, pasi nuk është sekret që Allegri dëshiron gjithashtu një sulmues titullar.
Trajneri kuqezi është duke pritur për Dusan Vlahovic, por në skenë ka dalë edhe emri i Artem Dovbyk. (A2 Televizion)
A2 CNN Livestream
MUND TE LEXONI GJITHASHTU
