Kapiteni i Kombëtares, mbrojtësi Berat Gjimshiti ka reaguar tejet i entuziazmuar pas fitores 0-1 kundër Serbisë, në ndeshjen që luhej në stadiumin e Leskovacit.
Gjatë fjalës së tij në një deklaratë për mediat, Gjimshiti tha se presioni gjatë ndeshjes ka qenë shumë i lartë dhe se Kombëtarja shqiptare ka kërkuar vetëm fitoren, shkruan A2 CNN.
Ai e cilësoi fitoren e sotme si hitorike, teksa nuk harroi të falënderonte edhe tifozerinë kuqezi për mbështetjen kudo në botë.
“E rëndësishme ishte fitorja. Sigurisht që presioni ka qenë shumë i lartë, sepse kishim ndjenjën që kjo ndeshje duhet fituar më patjetër.
Në Shqipëri nuk u ndje aq shumë presioni, por kur zbritëm në Serbi u ndje. Madje edhe presioni më i lartë se në finalen e Europa League. Samardzic foli mirë për Kombëtaren tonë.
Fillimi i vështirë, si shkak i nervozizmit. Gjithë ekipi arriti një fitore shumë të madhe. Komplimenta për Ajetin, shto faktin që ka qenë larg Kombëtares për një kohë të gjatë.
Kemi shumë kohë bashkë, e njohim, mirë njëri-tjetrin. I falenderojmë tifozët për mbështetjen, janë më të mirët në botë. Sot na kanë shikuar kudo që ka shqiptarë në botë”, tha mes të tjerash Gjimshiti. (A2 Televizion)
A2 CNN Livestream
MUND TE LEXONI GJITHASHTU
