Mesfushori i Kombëtares shqiptare, Juljan Shehu, ka shpërthyer në emocion pas fitores historike që Shqipëria arriti në transfertë ndaj Serbisë. Në prononcimin e dhënë për “Supersport” menjëherë pas ndeshjes, ai e cilësoi këtë ditë si një nga më të rëndësishmet e karrierës dhe jetës së tij.
“Emocionet janë të papërkueshme. Kjo është një nga ditët më të lumtura të jetës sime. I falënderoj të gjithë pafund që më bënë këtë ditë të mundur. Bëmë krenarë gjithë shqiptarinë,” – u shpreh Shehu.
Mesfushori kuqezi tregoi se motivimi i skuadrës ishte maksimal, pasi të gjithë e kishin të qartë rëndësinë e kësaj përballjeje.
“E dinim që ishte ndeshje jetë a vdekje. Dhamë maksimumin që kjo ditë të vinte. Është dita jonë, që ta festojmë dhe ta shijojmë këtë moment,” – shtoi ai.
Shehu nuk harroi të kujtojë edhe rrugëtimin e tij drejt këtij suksesi, duke përmendur sfidat dhe dëmtimet që e kanë shoqëruar në karrierë.
“Rrugëtimi im, që nga Kastrioti deri sot, nuk ka qenë i lehtë. Pata një dëmtim që më la mbrapa, por puna gjithmonë shpërblehet. Jam i lumtur që kam arritur këtu sot,” – deklaroi lojtari.
“Tirana le të festojë sot, është dita e gjithë shqiptarisë që të festojë,” – përfundoi Shehu, mes entuziazmit dhe krenarisë pas një nate që do të mbetet gjatë në kujtesën e futbollit shqiptar.
(A2 Televizion)
A2 CNN Livestream
MUND TE LEXONI GJITHASHTU
