Kastrioti e nis sezonin e ri në Kategorinë e Parë me një situatë të pazakontë. Në transfertën ndaj Burrelit, skuadra krutane kishte vetëm 15 lojtarë në dispozicion, ndërsa në stol ishin katër futbollistë dhe mungoi portieri i dytë. Situata vjen pas bllokimit të merkatos nga FIFA, që ka penguar Kastriotin të regjistrojë afrimet e verës. Trajneri Ramadan Ndreu duhet të menaxhojë një grup të kufizuar që në startin e kampionatit.
Dueli u shoqërua edhe me tension . Lojtari I krutaneve Fabio Hasa u përfshi në një konflikt me një tifoz pranë fushës, episod që tërhoqi menjëherë vëmendjen.Situata nuk kaloi pa pasoja për futbollistin, pasi arbitri e ndëshkoi me karton të kuq. Edhe pse Kastrioti shënoi dy gola me Kapllanin, nuk arriti ta menaxhoje avantazhin deri ne fund sfida përfundoi me shifrat 2-2
Besa dhe Flamurtari dhuruan spektakël me 6 gola në javën e parë të Kategorisë së Parë, në një sfidë që u mbyll në barazimin 3-3.. Kavajasit e nisën furishëm dhe kaluan në avantazh me Ruzgis , i cili realizoi një tregolësh duke e çuar Besën në avantazhin 3-1.
Flamurtari nuk u dorëzua dhe reagoi në pjesën e dytë. Gjata ngushtoi diferencën ndërsa në kohën shtesë Lushaj, me një goditje dënimi, vendosi baraspeshën në 3-3 dhe i dha vlonjatëve një pikë të çmuar. Besa shpërdoroi fitoren, ndërsa Flamurtari tregoi karakter, në një nga përballjet më emocionuese të javës hapëse. (A2 Televizion)
A2 CNN Livestream
MUND TE LEXONI GJITHASHTU
