Manchester United po kalon një periudhë shumë pozitive në Premier League, duke shënuar fitoren e katërt radhazi nën drejtimin e Michael Carrick. “Djajtë e Kuq” triumfuan 2-0 ndaj Tottenhamit në Old Trafford, me gola të shënuar nga Bryan Mbeumo dhe Bruno Fernandes, duke konfirmuar rikthimin e formës dhe besimit në skuadër.
Pas përfundimit të ndeshjes, Carrick vlerësoi qasjen dhe mentalitetin e lojtarëve të tij, duke theksuar rëndësinë e lojës me qëllim dhe disiplinë. “Nuk është lojë pa përgjegjësi, por futboll me ide, besim dhe intensitet. Lojtarët po reagojnë shumë mirë,” deklaroi trajneri i United, duke shtuar se atmosfera në Old Trafford ka qenë vendimtare në këtë ecuri pozitive, raporton Sky Sports.
Kapiteni Bruno Fernandes vazhdon të jetë figura kyçe e United, duke kontribuar si me gola ashtu edhe me lidership në fushë. Me katër fitore radhazi në kampionat dhe tetë ndeshje pa humbje në të gjitha garat, Manchester United tashmë sheh me optimizëm drejt zonës së Champions League dhe vazhdimësisë së sezonit. (A2 Televizion)
A2 CNN Livestream
MUND TE LEXONI GJITHASHTU
