Në emisionin “Mega Sport” nga Altin Sulçe, në A2 CNN, u prek tema e trajnerëve shqiptarë në Kosovë, të cilët po hasin shumë probleme kohët e fundit.
Një rast konkret ishte ai i Klodian Duros, i cili mori shumë viralitet pas debatit të bërë kryesisht me Liridon Lecin.
Në një moment, moderatori Altin Sulçe i thotë legjendës së futbollit shqiptar, Sokol Kushta, se një mesazh kishte mbërritur për të.
“Më ka ardhur një mesazh nga lojtari i madh i Kombëtares, Klodian Duro. Më thotë: “Pyete pak Sokol Kushtën, meqë ka shënuar pafund gola, kush i ka shënuar golat më të bukur, unë apo Kushta në Qipro?”, tha Sulçe.
Ndërkohë përgjigja e Kushtës duke qeshur ishte kjo: “Unë nuk jam Leci, i thuaj Duros, jam Sokol Kushta”.
Më pas Kushta kishte edhe një koment për mënyrën se si u trajtua Duro në Kosovë. “Egoizmi ndonjëherë të errëson sytë, kur i vogli i thotë të madhit kush je ti, ka mbaruar. Ti thuash Klodian Duros që kush je ti, duhet të jesh i çmendur. Duro është njeri i mirë dhe me humor, ka batutën dhe duhet t’ia kapësh, shumë nuk e kuptojnë”. (A2 Televizion)
A2 CNN Livestream
MUND TE LEXONI GJITHASHTU
