“Dhuna s’ka vend në demokraci.” Ky është reagimi i ambasadës së Britanisë së Madhe për sulmin që iu bë kreut të Partisë Demokratike Sali Berisha në protestën e sotme.
Në një postim në llogarinë e saj zyrtare në Twitter, ambasada britanike deklaron se do të mbështesë gjithnjë të drejtën për protestë paqësore. Po ashtu, në reagim shtohet se sulmi ndaj kryedemokratit është një sulm i papranueshëm ndaj fjalës së lirë.
Dhuna nuk ka vend në demokraci. Mbretëria e Bashkuar do të mbështesë gjithmonë të drejtën për protestë paqësore. Sulmi ndaj Sali Berishës është një sulm i papranueshëm ndaj fjalës së lirë. Mbretëria e Bashkuar dhe Shqipëria qëndrojnë krah për krah në mbështetjen tonë për demokracinë dhe shtetin e së drejtës.
Ambasada britanike në Tiranë
Kujtojmë se sulmi ndaj Berishës është dënuar më herët gjatë ditës nga ambasada e Shteteve të Bashkuara të Amerikës, kryeministri Edi Rama dhe nga figura të opozitës që kryesisht drejtuan gishtin nga kreu i qeverisë për incidentin. (A2 Televizion)
A2 CNN Livestream
MUND TE LEXONI GJITHASHTU
