Kur kanë kaluar me shumë se dy vjet nga tërmeti që goditi fshatin Floq në qarkun e Korçës, në këtë fshat ka ende familje që janë në pritje të dëmshpërblimit për dëmet e shkaktuara në banesat e tyre. Banorët shprehen se gjatë gjithë kësaj periudhe kanë parë që janë bërë shumë padrejtësi, që nga përzgjedhja e rindërtimit të banesave e deri te përcaktimet qesharake të vlerave për riparimin e banesave të dëmtuara.
Ndërsa Moza Orgeni, banore e Floqit, nisur nga vlera e dëmshpërblimit të përcaktuar nga bashkia, mori lekët borxh për të riparuar banesën, sot nga 600 mijë lekë që duhej të merrte ka marrë vetëm 40 mijë prej tyre.
Një tjetër banor, shprehet se me vlerën e dëmshpërblimit që ka marrë, vijon të ndihet i rrezikuar në banesë, pasi nuk ka mundësi të investojë vetë.
Ndërkohë, nga bashkia e Korçës shprehen se janë ende në pritje të fondeve nga emergjencat civile. (A2 Televizion)
A2 CNN Livestream
MUND TE LEXONI GJITHASHTU
