Automjeti në pronësi të një avokati është përfshirë nga flakët mbrëmjen e kësaj të diele. Ngjarja ka ndodhur pranë Gjykatës së Apelit në Tiranë dhe nuk ka persona të lënduar.
Makina ka qenë e parkuar mes pallateve në momentin kur ka marrë flakë. Menjëherë mbërritën forcat zjarrfikëse, që bënë të mundur shuarjen e flakëve.
Paraprakisht dyshohet për një zjarr të qëllimshëm.
Ndërkohë një aksident tjetër ka ndodhur mbrëmjen e së dielës në rrugën "5 Maji" në Tiranë. Makina është përmbysur plotësisht dhe nuk ka persona të lënduar. (A2 Televizion)
