Zgjerohet lista e ish-ushtarakëve që kundërshtojnë idenë e presidentit amerikan, Donald Trump, për përdorimin e ushtrisë kundër protestuesve.
Ish-shefi i shtabit ushtarak, Gjenerali Martin Dempsey, tha për Radion Publike Kombëtare se deklarata e kreut të Shtëpisë së Bardhë ishte tepër shqetësuese dhe e rrezikshme.
“Angazhimi i ushtrisë për të dominuar dhe shtypur, ato që në shumicën e rasteve janë protesta paqësore dhe në pak raste të kthyera të dhunshme, është shumë e rrezikshme për mua”, theksoi ai.
Kërcënimi i Trump është kundërshtuar e dënuar edhe nga ish-kreu Pentagonit, Jim Mattis dhe madje drejtuesi aktual i departamentit të Mbrojtjes, Mark Esper. Megjithatë policia ka dëgjuar thirrjet e Trump për të dominuar manifestimet. Video të shumta të brutalitetit policor janë bërë virale në internet dhe kanë shokuar opinionin publik në SHBA. (A2 Televizion)
A2 CNN Livestream
MUND TE LEXONI GJITHASHTU
