Gjykata e Posaçme e Apelit ka ë ndryshuar vendimin në ngarkonim të 10 personave të afërm dhe me lidhje me ish-deputetin e Partisë Socialiste, Arben Ndoka, në çështjen fraksion të dosjes 339, lidhur me tjetërsimin e pronave në Lezhë.
Gjykata e Apelit vendosi të unifikojë dënimin për vëllain e Ndokës, Gjevi, duke e dënuar me 10 vite burg, që do t’i kryejë në një burg të sigurisë së lartë.
Gjithashtu Gjykata ndryshoi vendimet për motrën e Ndokës, Mimoza Ndoka, dhe gjithë të akuzuarve të tjerë, duke i dënuar me burg, ndërkohë që ishin lënë të lirë me shërbim prova nga shkalla e parë. Motra e ish-deputetit u dënua për përfshirje në “grup të strukturuar kriminal”, për të cilin do të kalojë 5 vjet e 4 muaj në burg.
Dënimet e dhëna nga Apeli i Posaçëm
Gjevi Ndoka dënohet me 10 vite burg, në Shkallën e Parë dënohet me 6 vite e 8 muaj
Mimoza Ndoka dënohet me 5 vjet e 4 muaj burg, në Shkallën e Parë u la në shërbim prove
Emanuela Gjukra dënohet me 6 vite burg, në Shkallën e Parë ishte dënuar me 4 vite e 8 muaj
Zef Lazri dënohet me 4 vite e 8 muaj burg, në Shkallën e Parë ishte dënuar me 8 muaj
Blendi Ndoka dënohet me 6 vite e 8 muaj burg, në Shkallën e Parë ishte dënuar me 3 vjet e 6 muaj
Lugij Paloka dënohet me 5 vite burg, në Shkallën e Parë ishte dënuar me 4 vite e 8 muaj burg
Paulin Simoni dënohet me 3 vite e 8 muaj burg, në Shkallën e Parë ishte dënuar me 3 vite e 4 muaj burg
Vlash Gaxulli dënohet me 2 vite e 8 muaj burg, në Shkallën e Parë ishte dënuar me 4 vite shërbim prove
Genc Zeneli dënohet me 2 vite e 4 muaj burg, në Shkallën e Parë ishte dënuar me 4 vite shërbim prove
Kol Lleshi dënohet me 2 vite e 4 muaj burg, Në Shkallën e Parë ishte dënuar me 4 vite shërbim prove
Marjeta Perskura dënohet me 1 vit e 8 muaj burg, në Shkallën e Parë ishte dënuar me 1 vit e 4 muaj shërbim prove (A2 Televizion)
A2 CNN Livestream
MUND TE LEXONI GJITHASHTU
