Tragjedi në SHBA, një person hap zjarr mbi turmën, 6 viktima

Një tragjedi ka ndodhur në qytetin Sacramento në Kaliforni të SHBA-së. Mediat ndërkombëtare raportojnë se gjashtë persona u vranë nga të shtënat në qendër të qytetit. Tragjedia ndodhi pak pas orës 02:00 me orën lokale, para mbylljes së lokaleve, kur policia u paralajmërua për praninë e një personi që po qëllonte në zonën midis Rrugës 10 dhe Rrugës K. Në total janë prekur 15 persona. Disa dëshmitarë deklaruan se bëhej fjalë një burrë në një makinë i cili hapi zjarr ndaj turmës pranë restorantit "El Santo" para se të largohej.

Ata thanë se janë dëgjuar deri në 50 të shtëna armësh. Për momentin nuk dihet statusi i autorit të dyshuar të të shtënave. Një video në rrjetet sociale tregon një sherr në momentin e të shtënave, por nuk dihet nëse dy episodet janë të lidhura.

Video të tjera të postuara në mediat sociale tregojnë panikun e turmës që po largohet duke kërkuar shpëtim, teksa dëgjohet një varg të shtënash me armë zjarri. (A2 Televizion)