Groenlanda nuk është në shitje. Autoritete e territorit autonom të Danimarkës, iu përgjigjën prerazi raportimeve në media se Donald Trump ka diskutuar privatisht me këshilltarët e tij për idenë e blerjes së ishullit më të madh në botë.
“Jemi të hapur për binzes por Groenlanda nuk është në shitje”, tha Ane Lone Bagger, ministre e Jashtme e Groenlandës.
Deputetët danezë u tallën me pretendimet e publikuara fillimisht në “Wall Street Journal”. “Duhet të jetë ndonjë shaka e 1 prillit. Totalisht jashtë sezoni”, u shpreh Lars Lokke Rasmussen, ish-Kryeministër. “Nëse ai seriozisht po e kalon nëpër mend diçka të tillë, kjo është prova se është çmendur”, tha Soren Espersen, zëdhënës i Partisë Populiste Daneze.
Trump pritet të vizitojë Kopenhagenin në muajin shtator dhe arktiku do të jetë pjesë e agjendës së bisedimeve me kryeministrat e Danimarkës dhe Groenlandës. Megjithatë nuk ka sinjale se ideja e blerjes së Groenlandës do të jetë pjesë e diskutimeve. Historikisht vendet kanë përvetësuar territore jo vetëm ushtarakisht por edhe me ujdi financiare. Por ekspertët thonë se tregu i shitjes së territoreve sovrane duket të jetë mbyllur tashmë. (A2 Televizion)
A2 CNN Livestream
MUND TE LEXONI GJITHASHTU
