Edvin Libohova largohet nga posti i presidentit të Ligës Profesioniste të Futbollit në Shqipëri. Njëkohësisht edhe në postin e zëvendëspresidentit të Federatës së Futbollit, ai paraqiti dorëheqjen te anëtarët e Ligës.
Për të ndihmuar në një tranzicion sa më të lehtë, Libohova do të mbetet në detyrë deri në gjetjen e një personi të përshtatshëm që do ta zëvendësojë.
Ende nuk dihet nëse në vendim ka ndikuar mungesa e një Ligji të përshtatshëm për sponsorizimet.
Disa herë Libohova ishte shprehur se nëse qeveria nuk plotëson kërkesat e futbollit, që sollën edhe bojkotin e kampionatit, atëherë qëndrimi në detyrë nuk do të kishte kuptim.
Edhe pse institucionet tashmë janë njohur me problematikat financiare të sportit shqiptar, asgjë nuk ka lëvizur për përmirësimin e situatës dhe ndihmën ekonomike që do të nxiste rritjen e nivelit të sportit. (A2 Televizion)
A2 CNN Livestream
MUND TE LEXONI GJITHASHTU
