Nesër do të mbahet takimi i shumëpritur në Bruksel në mes të kryeministrit të Kosovës, Albin Kurti, dhe presidentit të Serbisë, Aleksandër Vuçiç me ndërmjetësim të Bashkimit Europian.
Në faqen zyrtare të BE-së tashmë është bërë e ditur agjenda për nesër.
Sipas njoftimit, në orën 08:20 është planifikuar arritja e përfaqësuesit të Lartë të Bashkimit Europian për Politika të Jashtme dhe Politika të Sigurisë, Joseph Borrell.
Pastaj, në orën 10:30, zëvendëspresidenti i Komisionit Europian, Borrell, do të ketë takime bilaterale, të ndara, fillimisht me kryeministrin e Kosovës, Albin Kurti, e pastaj edhe me presidentin e Serbisë, Aleksandër Vuçiç.
Ndërsa, një tryezë e përbashkët plenare është planifikuar për orën 11:00.
Në orën 12:30 është paralajmëruar një konferencë për media e përfaqësuesit Special të BE-së për dialogun Prishtinë – Beograd dhe çështje të tjera të Ballkanit Perëndimor, Miroslav Lajçak. (A2 Televizion)
A2 CNN Livestream
MUND TE LEXONI GJITHASHTU
