Zgjedhjet në Serbi, triumfon bindshëm Aleksandër Vuçiç

Nga A2 CNN
4 Prill 2022, 08:01 | Ballkani
Zgjedhjet në Serbi, triumfon bindshëm Aleksandër

Presidenti i Serbisë, Aleksandër Vuçiç, dhe partia që ai drejton SNS kanë fituar bindshëm në zgjedhjet e trefishta që u zhvilluan të dielën.

Nga 61% e votave të numëruara, tregohet se Vuçiç ka arritur të fitojë një mandat tjetër si president dhe SNS do të mund të drejtojë e vetme mazhorancën, që përkrah i shkon dhe fitorja në pjesën më të madhe të bashkive serbe.

Në fjalimin e parë pas fitores, Vuçiç u shpreh: “Për Serbinë, marrëdhëniet e mira në rajon janë gjëja më e rëndësishme, por gjithashtu të mos prishen lidhjet me miqtë tradicionalë. Ne kemi 4 ose 5 vjet që punojmë në interes të qytetarëve tanë. Faleminderit qytetarëve të Serbisë! Jam pafundësisht krenar dhe pafundësisht i lumtur dhe mundohem t'i fsheh lotët e gëzimit sepse pakkush ia ka dalë të arrijë një fitore si kjo”.

Vëzhguesit thanë se pjesëmarrja e votuesve në këto zgjedhje ishte më e madhe sesa në zgjedhjet e fundit në vend që u mbajtën në 2020. (A2 Televizion)

A2 CNN Livestream

Latest Videos