Nënë e bir u hodhën nga kati i tretë për t’u shpëtuar flakëve që përfshinë apartamentin, por fatkeqësisht 62-vjeçarja ndërroi jetë ndërsa djali i saj 36-vjeçar ndodhet në spital nën kujdesin e mjekëve.
Ngjarja ndodhi në zonën e “Astirit”, rreth orës 06:00 të mëngjesit kur fqinjët lajmëruan policinë dhe forcat zjarrfikëse.
Në pamundësi për ti shpëtuar flakëve, Hava Osmënaj, 62-vjeçe dhe Klodjan Osmënaj, 36-vjeç, tentuan të zbresin nga ballkoni i tyre një kat më poshtë, por nuk ja arritën dot kjo edhe pse në banesën tjetër nuk kishte askënd për t’i ndihmuar. Sipas dëshmitarëve të cilët panë ngjarjen, zjarri dyshohet të jetë i qëllimshëm.
Djali, Klodjan Osmenaj, sipas banorëve të pallatit vuante nga depresioni, ndërsa apartamenti i tyre prej kohësh nuk kishte energji elektrike. Nga flakët u dogj pjesërisht dhe një apartament në katin e katërt të pallatit ndërsa fatmirësisht pa persona të lënduar. (A2 Televizion)
A2 CNN Livestream
MUND TE LEXONI GJITHASHTU
