Diplomimi i 46 magjistratëve që përfunduan shkollën e Magjistraturës në vitin 2022, përkoi me 25 vjetorin e themelimit të kësaj shkolle. Para gjyqtarëve e prokurorëve më të rinj të sistemit të drejtësisë, ambasadorja e SHBA në Tiranë ftoi shkollën e Magjistraturës të guxojë të ndryshojë, të modernizohet e të përshtatet me sfidat e kohës. Reforma në drejtësi duhet të ketë sukses për të mirën e gjithë shqiptarëve, tha Kim.
Ambasadorja e delegacionit të BE në Tirane, Christiane Hohmann, i kërkoi magjistratëve të mbahen fort, edhe pse do të përballen me dosje voluminoze të korrupsionit, pastrimit të parave e krimit të organizuar.
Për kreun i shtetit, Bajram Begaj, Magjistratura duhet të konsolidojë më tej pavarësinë e saj.
Ndërsa ministri i Drejtësisë, Ulsi Manja kërkoi që Magjistratura t’i aftësojë studentët përtej njohurive në libra.
Brezi më i ri i dalë nga Shkolla e Magjistraturës përbëhet nga 24 magjistratë të profilit gjyqtar dhe 22 të tjerë prokurorë. (A2 Televizion)
A2 CNN Livestream
MUND TE LEXONI GJITHASHTU
