Vdekja e miliarderëve kanadezë, Barry dhe Honey Sherman është e mbuluar me mister. Më 15 dhjetor 2017, trupat e pajetë u gjetën në rezidencën e çiftit në Toronto rreth mesditës, pranë pishinës së tyre të brendshme në bodrum.
“Barry Sherman, 75 vjeç dhe gruaja e tij, Honey, 70 vjeçe, ishin gjysmë të ulur krah për krah, me rripa të vendosur në qafë të lidhur në parmakët e pishinës së brendshme. Asnjë nga miqtë apo bashkëpunëtorët e tyre të biznesit nuk kishte dëgjuar prej tyre për rreth dy ditë dhe nuk kishte shenja të hyrjes me forcë në shtëpi.”
Policia kanadeze
Historia bëri bujë përtej komunitetit të tyre në Toronto. Teori të ndryshme dolën se kush mund të kishte dashur të vriste themeluesin e gjigantit kanadez të ilaçeve Apotex dhe gruan e tij filantropike, një nga çiftet më të pasur të Kanadasë.
Por pesë vjet më vonë, asnjë arrestim nuk është bërë. Në përvjetorin e vrasjeve, djali i Shermans ofroi një shpërblim prej 25 milionë dollarësh për këdo që jepte informacion mbi vrasësin. Shpërblimi tani është 35 milionë dollarë.
“Kjo javë shënon pesë vjetorin e vrasjes së prindërve të mi. Çdo ditë që atëherë ka qenë një makth. Unë kam dhimbje, humbje dhe pikëllim dhe këto ndjenja vetëm sa përzihen vazhdimisht”.
Jonathon Sherman në një deklaratë për CBC News
Fillimisht, pati spekulime se Shermans vranë veten. Por autopsia tregoi se ata ishin mbytur. Barry Sherman themeloi Apotex në 1974 dhe e zgjeroi atë në një kompani farmaceutike globale që ka dhuruar mbi 50 milionë dollarë për bamirësi.
Pasuria e Shermans, investimet e mëdha dhe puna filantropike i bënë ata të kryqëzoheshin me biznesin dhe elitat politike të Kanadasë. Në funeralin e tyre morën pjesë mijëra njerëz, duke përfshirë kryeministrin Justin Trudeau. Gjatë ceremonisë, Jonathon Sherman, i rrethuar nga tre motrat e tij hodhi poshtë spekulimet se prindërit e tyre u vetëvranë.
“Prindërit tanë nuk lanë askënd pas. Ata na u morën. Ishit si brava me çelësin. Por së bashku, ju e hapët botën për veten tuaj, për ne dhe për shumë të tjerë”. (A2 Televizion)
Jonathon Sherman, djali i viktimave
A2 CNN Livestream
MUND TE LEXONI GJITHASHTU
