A duhet të tërhiqet Basha nëse humbet zgjedhjet? Berisha: Për të gjitha zhvillimet, përgjegjësia bazë dhe kryesore është e kryetarit

Sali Berisha mendon që është përgjegjësia e Lulzim Bashës, rezultati që do të marrë Partia Demokratike, në zgjedhjet e 25 prillit. I pyetur në studion e "Ditarit" në A2, nëse kreu i PD-së duhet të dorëhiqet nëse i humbet zgjedhjet, Berisha tha: “Për të gjitha zhvillimet, përgjegjësia bazë dhe kryesore është e kryetarit. Por unë kësaj here të jem i sinqertë shoh kudo një tis fitoreje në rritje”.

Berisha shtoi se Basha, tani, po mendon për kabinetin e tij të ardhshëm. “Po mendon për 100 ditët e qeverisjes së tij, në mënyrë që t’u tregojë zgjedhësve mirënjohje. Por jam i sigurt që premtimet që ka bërë do t’i mbajë. Është angazhuar se në 100 ditët e para do të hapë negociatat, një angazhim jashtëzakonisht i rëndësishëm, por në gjykimin tim krejtësisht i realizueshëm”. (A2 Televizion)

Intervista e plotë