Një aksion i gjerë i Policisë është zhvilluar, mëngjesin e sotëm, në qarkun e Vlorës, për llogari të Gjykatës së Posaçme. Nga të dhënat paraprake, mësohet se janë arrestuar 5 persona gjatë orëve të para të mëngjesit në banesat e tyre.
Ata janë të ndaluar nën akuzën e grupit të strukturuar kriminal dhe trafikut të klandestinëve.
Burime për A2 CNN, bëjnë të ditur se në orën 05:15 u shoqëruan nga Vlora për në Tiranë Paulin Koci, Petrit Pashaj, Dushan Spahiu, Fatjon Belaj, Qazim Ismaili, për trafikim klandestinësh.
Ata akuzohen se janë pjesë e një organizate aktive të trafikut të klandestinëve nga Lindja e Mesme. (A2 Televizion)
A2 CNN Livestream
MUND TE LEXONI GJITHASHTU
