“Kosova dhe Serbia të angazhohen për gjetjen e një kompromisi me dialog”. Kjo ka qenë deklarata e presidentit të Francës, Emmanuel Macron gjatë konferencës për shtyp me kryeministrin Albin Kurti, që i parapriu takimit mes dy liderëve në pallatin Elysee.
Kreu i shtetit francez ftoi dy vendet të kthejnë sytë nga e ardhmja dhe premtoi se do të kenë mbështetjen e Francës për arritjen e marrëveshjes.
“Unë i ftoj Kosovën dhe Serbinë për t’u angazhuar si evropianë në gjetjen e një kompromisi që do t’i bëjë Beogradin dhe Prishtinën të kthehen drejt një të ardhmeje evropiane. Do të keni mbështetjen tonë. Afërsia me BE-në, normalizimi i marrëdhënieve, për zhvillimin e qëndrueshëm, po ashtu me përfaqësuesin Lajçak, sikur një popull me vullnet të madh politik nga ana e të dyja vendeve në fjalë, juve dhe z.Vuçiç”, tha presidenti Macron.
Ndërsa kryeministri Kurti pasi falënderoi presidentin francez për ftesën, ritheksoi angazhimin e Kosovës për të qenë pro aspiratave europiane.
“Jam i nderuar të jem këtu me ju, me presidentin e një shteti të fuqishëm. Është privilegj dhe përgjegjësi si kryeministër i shtetit më të ri në Evropë. Të jem para pallatit presidencial francez duke marrë parasysh se Kosova do të jetë gjithmonë pro aspiratave evropiane”, është shprehur Kurti. (A2 Televizion)
A2 CNN Livestream
MUND TE LEXONI GJITHASHTU
