Banorët e fshatit Piskovë në Bashkinë e Përmetit, kundërshtojnë venddepozitimin e mbeturinave urbane në territorin e fshatit të tyre. Ky territor është pjesë e parkut natyror të Bredh Hotovës.
Por kërkesat e banorëve të Piskovës duket se nuk janë marrë parasysh nga pushteti lokal dhe për këtë arsye, ato janë mbledhur në qendër të fshatit për të tërhequr vëmendjen për problematikën që i shqetëson.
“Kërkojnë të na sjellin plehrat e të gjithë bashkive, mbi ujin e pijshëm. Pse të hidhen aty, apo sepse jemi një fshat i vogël. Do të kthehemi në grevë, të duket edhe deputetja e zonës”, thonë banorët.
Kryeplaku i fshatit i ka bërë thirrje autoriteteve vendore që të ndërhyjnë në kohë, pasi mbetjet dëmtojnë edhe burimet që fshati përdor për ujin e pijshëm, për bagëtitë dhe për vaditje. Ndërsa ka konfirmuar edhe rezistencën e banorëve për të mos lejuar që fshati i tyre të kthehet në një vendgrumbullimi të mbetjeve urbane. (A2 Televizion)
A2 CNN Livestream
MUND TE LEXONI GJITHASHTU
