Përfaqësuesi i Partisë Demokratike, Endi Hasa, ka akuzuar qeverinë se ka dështuar me digjitalizimin në shkolla dhe mësimin online. Në një deklaratë për mediat, nga selia blu, ai shprehet se 18 milionë eurot e shpenzuara për digjitalizimin në 7 vjet janë zhdukur, duke bërë që shkollat në Shqipëri të jenë krejt të papërgatitura për mësimin online.
Sipas Hasës, nuk ka infrastrukurë funksionale të IT, nuk ka platformë digjitale, funksionale dhe të destinuar për e-Learning dhe qeveria gjatë pandemisë nuk investoi asnjë qindarkë për mësimin online
“Së pari, shumica e shkollave dhe universitetetet publike, ende nuk kanë kabinete funksionale, me kompjutera apo laptopë për nxënësit dhe studentët. 6000 tabletat e blera nga projektet janë zhdukur pa lënë gjurmë ose nuk punojnë. Shumica shkollave nuk kanë as laboratorë, as pajisje komunikimi.
Në kohën e pandemisë, kur tabletat duheshin më shumë se kurrë, ato nuk u përdorën pasi i kanë vjedhur dhe kanë dalë jashtë funksionit.
Së dyti, nuk ka platformë digjitale, funksionale dhe të destinuar për e-Learning. Platforma e sajuar akademi.al nga zgjidhje u shndërrua në një hall e problem për mësues, prindër e nxënës.
Së treti, qeveria nuk investoi gjatë pandemisë asnjë qindarkë për mësimin online, nuk mbështeti familjet për sigurimin e internetit falas, siç u bë në shumë vende”.
Hasa thekson se dështimi i Edi Ramës ka rritur analfabetët funksionalë.
Deklarata e Endri Hasës
Në 7 vjet, qeveria e Edi Ramës ndërroi disa ministra arsimi, por ajo që mbeti ishte dështimi spektakolar me arsimin. Periudha e pandemisë nxori në pah se edhe shkollat e fëmijëve, si çdo gjë tjetër, janë parë nga kjo qeveri si një mundësi për të vjedhur.
Dixhitalizimi i shkollave është një nga dështimet më të mëdha të Edi Ramës.
18 milionë euro e shpenzuara për dixhitalizimin janë zhdukur, duke bërë që shkollat në Shqipëri të jenë krejt të papërgatitura për mësimin online.
Për fat të keq, pasojë direkte e këtij dështimi të madh të qeverisë, është rënia e cilësisë së arsimit dhe rritja e nivelit të analfabetëve funksionale mes fëmijëve dhe të rinjve.
Banka Botërore llogarit se analfabetët funksionale në Shqipëri e kalojnë 60%, një gjendje e përkeqësuar, pasi mësim të vërtetë online gjatë karantinës pothuajse nuk pati dhe as tani që zhvillohet në mënyrë të pjesshme.
Dixhitalizim ne shkolla nuk pati asnjëherë në këto 7 vjet dhe nuk pati as gjatë pandemisë.
Nxënësit nuk kanë as tableta, as platformë dixhitale që funksionon dhe as kurrikula të dixhitalizuara, sepse qeveria nuk ka punuar kurrë për këtë.
Në letra janë 18 milionë Euro për projekte dixhitalizimi dhe mësimi online, por në realitet nuk është bërë asgjë.
Së pari, nuk ka infrastrukurë funksionale të IT. Shumica e shkollave dhe universitetetet publike, ende nuk kanë kabinete funksionale, me kompjuter apo laptop për nxënësit dhe studentët. 6000 Tabletat e blera nga projektet janë zhdukur pa lënë gjurmë ose nuk punojnë. Shumica shkollave nuk kanë as laboratorë as pajisje komunikimi.
Në kohën e pandemisë kur tabletat duheshin më shumë se kurrë, ato nuk u përdorën pasi i kane vjedhur dhe kanë dalë jashtë funksionit.
Së dyti, nuk ka platformë dixhitale, funksionale dhe të destinuar për eLearning. Platforma e sajuar akademi.al nga zgjidhje u shndërrua në një hall e problem për mësues, prindër e nxënës.
Së treti, qeveria nuk investoi gjatë pandemisë asnjë qindarkë për mësimin online, nuk mbështeti familjet për sigurimin e internetit falas, siç u bë në shumë vende. Edhe aq sa u bë, u bë për shkak të përkushtimit të mësuesve nga pajisjet e tyre personale.
Mungesa e internetit sot është problem në pothuajse çdo shkollë, sepse arsimimi i duhur i fëmijëve është gjëja e fundit që e shqetëson këtë qeveri.
Nëse Edi Rama do të kishte vullnet dhe vizion për të zhvilluar vendin, për të modernizuar shkollat, situata do të ishte krejt ndryshe.
18 milionë euro të nxjerra pa asnjë vizion për dixhitalizimin, por të zhdukura në xhepat e korruptiar të qeverisë, do të kishin stërmjaftuar për të siguruar tableta për nxënësit dhe për një Infrastrukturë modeste, që do të garantonte mësim të rregullt online.
Po të pajiseshin nxenesit ne nevoje me tablet dhe lidhje internet do mjaftonte vetem një 1 laptop me ëebcam dhe mësuesja shpjegon në klasë dhe nxënësit e ndjekin nga shtëpia.
Kjo nuk ndodh se qeveria nuk ka menduar asnjë ditë për Shqiptarët.
Braktisja e arsimit duhet të marrë fund!
Fëmijët shqiptarë nuk e meritojnë të jenë analfabetë funksionalë për shkak të kësaj qeverie dhe kryeministri të dështuar! Mjaft më me paaftësi dhe abuzim!
Qytetarët duan ndryshimin! (A2 Televizion)
A2 CNN Livestream
MUND TE LEXONI GJITHASHTU
