Detaje të reja janë mësuar nga operacioni i gjerë i SPAK. Mësohet se janë 44 vendime gjyqësore të caktuara në mungesë, 42 “arrest në burg”, 1 “arrest në shtëpi" dhe 1 "detyrim paraqitje", të gjitha të lëshuara për trafik droge.
Hetim mësohet se është nisur nga viti 2019, fillimisht në dosje të veçuara në rrethe e më pas të bashkuara në një procedim të vetëm në SPAK.
Dy nga personat për të cilët është prerë fletë arresti janë punonjës policie. Janë 5 grupe që kanë bashkëpunuar për kultivim dhe trafik hashashi, por ka edhe të proceduar për mbajtje të sasive të vogla të kokainës.
Totali i kanabisit të kultivuar në zonën Vlorë-Tepelene dhe i trafikuar brenda vendit dhe një rast drejt Maqedonisë shkon në 400-500 kg.
Në 12 raste janë sekuestruar sasi të ndryshme droge. (A2 Televizion)
A2 CNN Livestream
MUND TE LEXONI GJITHASHTU
