Fitim Zekthi, anëtari i kryesisë së PD-së, ishte i ftuar në "Dita jonë", mëngjesin e së premtes, nga ku foli për situatën brenda PD-së dhe kuvendin e ditës së shtunë.
Ai u shpreh se kuvendi i 18 dhjetorit është i ligjshëm në ndryshim nga ai i një jave më parë. “Nesër PD-ja do të zhvillojë Kuvendin Kombëtar të thirrur nga kryesia dhe kryetari Basha. Delegatët nga e gjithë Shqipëria do të marrin pjesë në atë kuvend, i cili do të jetë i ligjshëm dhe nuk mund të krahasohet me atë të para një jave. Ai i datës 11 ishte një takim i madh i demokratëve të thirrur nga Berisha”, u shpreh Zekthi.
Më tej, teksa komentoi edhe lëvizjen e Berishës, ai theksoi se do të ishte më e ndershme për ata që veç ndryshimit të statutit, të kërkojnë edhe pastrimin e partisë nga të korruptuarit.
“Ajo lëvizje do të ishte më e ndershme nëse do të kërkonte pastrimin e partisë nga të korruptuarit. Të korruptuar janë njerëzit që kanë qenë qeveritar dje, jo thjesht ministrat, por njerëz të administratës”, tha Zekthi. (A2 Televizion)
A2 CNN Livestream
MUND TE LEXONI GJITHASHTU
