Gjykata e Tiranës ka përfunduar gjykimin për një 67-vjeçar, që grisi fletën e votimit në mënyrë demonstrative teksa po votonte për zgjedhjet e 30 qershorit 2020.
I pandehuri Astrit Çuçka u shpall i fajshëm për akuzën e “dëmtimit të materialeve zgjedhore”. Ai është dënuar me 4 muaj burg, por përfundimisht gjykata pezulloi dënimin me burg, duke e lënë 8 muaj në shërbim prove, kohë gjatë së cilës i pandehuri nuk duhet të kryejë asnjë vepër penale.
Sipas vendimit të gjykatës, episodi për të cilin u fajësua 67-vjeçari është regjistruar në qendrën e votimit pranë shkollës “Hillary Clinton” në Kamëz.
Pasi kishte dështuar të votonte, për shkak se nuk kishte me vete mjetin e identifikimit, i pandehuri është rikthyer në qendrën e votimit. Pasi ka marrë nga komisioni dy fletët e votimit, ai i ka grisur ato në mënyrë demonstrative, si dhe ka tentuar të marrë vulat e komisionerëve. Veprimet e tij janë shoqëruar me fyerje në drejtim të tyre dhe thirrjet “Poshtë komunizmi”. Sipas gjykatës, gjatë hetimit dhe gjykimit, Çuçka shfaqi pendesë për ngjarjen. (A2 Televizion)
A2 CNN Livestream
MUND TE LEXONI GJITHASHTU
