Shkarkimi nga vetting-u i anëtarit të Gjykatës Kushtetuese, Besnik Muçi, irritoi Presidentin Meta i cili u hodh në një lum akuzash ndaj ndërkombëtarëve, të cilët i quajti palaço që kanë dhunuar drejtësinë.
“Gjykatën Kushtetuese e pengoi Edi Rama, bashkë me disa palaço ndërkombëtarë, të cilët kujtojnë se mund të tallen me popullin e Shqipërisë”, tha Meta, “Ka vetëm një zgjidhje për Ramën dhe disa palaço ndërkombëtarë, referendumi. Larg duart nga Gjykata Kushtetuese”.
“Hipokritët që po çojnë aktet në Venecia janë hipokritë, sepse duhet të kishin çuar emërimin e Arta Markut me 69 vota. Zgjidhja është referendumi dhe këtë punë ta vendosin shqiptarët. Amerika është në zemër, Europa është në zemër, nuk është as te Rruga e Elbasanit, as në Xibrakë”.
Sa i përket shkarkimit të Besnik Muçit, i cili u shkarkua nga detyra në shkallën e dytë të vetting-ut. “Ju e dini që vetting-u i Partisë u shpall para pak ditësh për zotin Muçi. Nuk jam i habitur se ai që ditën e parë që ka hyrë në zyrë ka pasur presione që të bëhej pjesë e puçit për të penguar Marsida Xhaferllarin që u betua si anëtare e Gjykatës Kushtetuese”, tha Meta. “Nëse doni emra, nuk e keni harruar zotin Xhafaj, i cili publikisht i bëri shantazh Vitore Tushës, e cila jo vetëm kaloi vetting-un, por qëndroi në detyrë me sforco, për të mbajtur hapur dyert e Gjykatës Kushtetuese”. (A2 Televizion)
A2 CNN Livestream
MUND TE LEXONI GJITHASHTU
