Nadal e Federer, duel përpara 52 mijë spektatorëve

Nga A2 CNN
8 Shkurt 2020, 16:22 | Sporte të tjera

Roger Federer dhe Rafael Nadal, u bashkuan me filantropin Bill Gates dhe komedianin Trevor Noah, në një event bamirësie të zhvilluar në Kejp Taun, në Afrikën e Jugut.

Përpos sfidave dyshe, padyshim që dueli më interesant ishte ai ndërmjet Nadal, numrit 2 në botën e tenisit dhe Federer, i cili pozicionohet i treti. Zvicerani arriti ta fitonte ndeshjen në tre sete, por të dy yjet e tenisit botëror thanë se më e rëndësishme se vetë sfida, ishte mbledhja e fondeve për Fondacionin Roxher Federer, i cili është i përfshirë në disa fushata bamirësie në Afrikë.

Eventi theu edhe rekordin botëror për spektatorë, pasi të pranishëm në tribuna ishin afro 52 mijë tifozë. (A2 Televizion)

A2 CNN Livestream

Latest Videos