Qeveria është e gatshme të kompensojë banorët për dëmet e shkaktuara nga përmbytjet e fundit. Konfirmimi erdhi nga kryeministri Rama, i cili vlerësoi menaxhimin e mirë, sipas tij, të kaskadës së Drinit. Ndërsa zgjidhja përfundimtare për zonën do të jetë Skavica, theksoi ai.
Ndërtimi i Hidrocentralit të Skavicës do të jetë shpëtimi i ultësirës së Shkodrës nga vërshimet e ujit. Pohimi është i kryeministrit Rama, që e vlerëson shumë të mirëmenaxhimin e kaskadës së Drinit gjatë përmbytjeve të fundit.
Përmbytjeve u dedikoi konferencën për shtyp të kësaj jave, ku u pyet nëse është i gatshëm të dëmshpërblejë banorët e dëmtuar.
Një përgjigje e kishte edhe për presidentin Meta, që kërkoi të ngrihej i gjithë shteti në këmbë, duke i ardhur në ndihmë edhe financiarisht qytetarëve në zonat e përmbytura.
Sa i përket rrugëve të dëmtuara, Rama kërkoi të mos sulmohen kompanitë e ndërtimit dhe mirëmbajtjes së tyre, pa pasur një analizë të shkaqeve. (A2 Televizion)
A2 CNN Livestream
MUND TE LEXONI GJITHASHTU
