Liderët e Bashkimit Europian ripërsërisin kritikat e tyre për mos hapjen e negociatave të anëtarësimit me Shqipërinë dhe Maqedoninë e Veriut. Ndërsa diskutoi konkluzionet e Këshillit Europian, Presidenti Donald Tusk tha se samiti i 17 dhe 18 tetorit do të mbahet mend për këtë gabim në vendimmarrje.
Ai i bëri thirrje shteteve anëtare që të arrijnë një dakordësi për negociatat e anëtarësimit me Tiranën dhe Shkupin përpara samitit të Zagrebit që mbahet në maj të vitit 2020. Ndërsa Presidenti i Komisionit Europian, Jean Claude Juncker, theksoi edhe njëherë se Shqipëria dhe Maqedonia e Veriut e meritonin plotësisht çeljen e negociatave pasi për këtë kanë bërë përpjekje të mëdha.
Për këtë çështje foli edhe lideri i Partive Popullore Europiane, Manfred Weber, i cili kritikoi Francën dhe Holandën për bllokimin e negociatave. (A2 Televizion)
A2 CNN Livestream
MUND TE LEXONI GJITHASHTU
