Amerikani Brian Hooper u lirua të enjten nga një burg në Kolorado, pasi kaloi 27 vjet pas hekurave, sepse një grua e akuzoi për një vrasje, që rezultoi në fund se ishte ajo dhe jo ai që e kreu.
Ai kaloi gati 30 vjet në burg për një vrasje që nuk e kreu, por e vërteta më në fund doli në dritë falë një rrëfimi nga gruaja, e cila e pranoi fajësinë këtë vit.
Në vitin 1998, një juri e dënoi Hooper për vrasjen dhe tentativën e rrëmbimit të 77-vjeçares Ann Prazniak.
Policia e gjeti trupin e Prazniak në prill të vitit 1998 në një kuti kartoni të mbështjellë me dritat e Krishtlindjeve në një dollap në apartamentin e saj në Minneapolis. Viktima ishte me kyçet e këmbëve, hundën, gojën, kyçet e duarve dhe kokën e saj të lidhur dhe trupi i saj ishte i mbështjellë me qese plehrash, batanije dhe çarçafë.
Shkaku i vdekjes së saj u përcaktua si asfiksi, dhe ajo kishte vdekur dy javë deri në një muaj para se policia të gjente trupin, sipas dokumenteve të gjykatës.
Dënimi i Hooper, i cili mori tre burgime të përjetshme u bazua kryesisht në dëshminë e një gruaje. Megjithatë, gjatë një apeli nga burri, autoritetet kuptuan se disa prova në çështje vërtetonin pafajësinë e tij, ndërsa shumë dëshmitarë i tërhoqën dëshmitë e tyre.
Përfundimisht, gruaja, e cila ishte një dëshmitare kyçe në çështjen në gjyqin e Brian Hooper, më në fund rrëfeu se e vrau vetë gruan dhe më pas e fshehu trupin e saj. Pala fajtore tani është në një burg në Xhorxhia dhe do të lirohet pas rreth katër vjetësh, ndërsa Hooper është ribashkuar me fëmijët e tij. (A2 Televizion)
A2 CNN Livestream
MUND TE LEXONI GJITHASHTU
