Irani kërcënoi drejtpërdrejt Shtetet e Bashkuara se do të hakmerret ndaj çdo sulmi të ri amerikan ndaj aseteve të tij. Ishte kryetari i Parlamentit të Iranit, Mohammad Qalibaf, i cili tha në një reagim të tij se zinxhiri i prodhimit të energjisë në rajon ishte "i përhapur, i arritshëm dhe i ekspozuar" dhe se kompanitë amerikane të naftës dhe gazit atje e ndanin të njëjtin ekspozim.
"Goditni asetet tona dhe do të goditeni", tha kryetari i Parlamentit iranian, Mohammad Baqer Qalibaf, pas sulmeve të SHBA-së dhe Iranit ndaj transportit detar gjatë fundjavës, të cilat i çuan çmimet e naftës në nivelet më të larta.
Kërcënimi i Qalibaf ishte një përgjigje ndaj një paralajmërimi nga Sekretari i Luftës së SHBA-së, Pete Hegseth, se flota e tankerëve të naftës së Iranit ishte "e pambrojtur".
“Është e thjeshtë: zinxhiri i prodhimit të naftës dhe gazit këtu është i gjerë, i arritshëm dhe i ekspozuar. Kompanitë amerikane të naftës dhe gazit në këto ujëra dhe objekte e ndajnë këtë ekspozim. Goditni asetet tona dhe do të goditeni. Ne e kemi provuar tashmë këtë. Shikoni bazat që tashmë nuk janë më të qëndrueshme.”
Mohammad Qalibaf | Kryetar i Parlamentit të Iranit
Të dielën, zyrtari i lartë i sigurisë iraniane, Mohsen Rezaei, tha se Irani do të njoftojë planet për një zonë të re të kufizuar në Gjirin Persik dhe se së shpejti do të miratojë hartat e një korridori të ri detar përmes Ngushticës së Hormuzit.
Irani ka bllokuar trafikun përmes ngushticës, një rrugë jetësore globale e furnizimit me naftë dhe gaz, që kur lufta me Shtetet e Bashkuara filloi me sulmet amerikane dhe izraelite më 28 shkurt.
Rezaei tha se zona e re e kufizuar do të fillojë nga vendi ku fillon bllokada detare amerikane ndaj Iranit dhe do të shtrihet në zonat e Gjirit. Çdo anije që hyn në zonën e re do të shtohet në një listë sanksionesh iraniane, tha ai.
"Ne do të angazhohemi që Ngushtica e Hormuzit të jetë e hapur vetëm kur amerikanët të ndalojnë sabotimin, kërcënimet dhe sulmet ndaj Iranit", tha Rezaei. (A2 Televizion)
A2 CNN Livestream
MUND TE LEXONI GJITHASHTU
