Një situatë alarmante ka ndodhur në qiellin e NATO-s. Polonia njoftoi se mërkurën, në veri të qytetit Branievo, një helikopter rus Mi-8 shkeli për pak kohë hapësirën ajrore polake.
"Helikopteri po fluturonte nga rajoni i Kaliningradit. Ai shkeli hapësirën ajrore polake në një thellësi maksimale prej afërsisht 300 m dhe qëndroi pezull atje për 42 sekonda", tha Ministria e Mbrojtjes në një deklaratë. Fluturimi i avionit u vëzhgua nga sistemet radar të Forcave të Armatosura Polake dhe avionët luftarakë u njoftuan, ndërsa forcat tokësore dhe pajisjet mbetën në gatishmëri të lartë. "Natyra e incidentit tregon se Rusia po e vë në provë edhe një herë gatishmërinë e mbrojtjes sonë ajrore", deklaroi Ministria e Mbrojtjes. "Ekipet polake të mbrojtjes ajrore kryejnë vëzhgim 24 orë në ditë dhe qëndrojnë vazhdimisht në gatishmëri për të siguruar sigurinë e hapësirës ajrore polake."
Për këtë incident ka reaguar edhe Sekretari i Përjgithshëm i NATO, Mark Rutte.
"Vlerësimi ynë është se kërcënimi rus ndaj vendeve të NATO-s është real dhe afatgjatë. Gjatë dy javëve të fundit, kemi qenë dëshmitarë të sulmeve hibride dhe herë pas here kemi parë dronë. Pamë çfarë ndodhi në Leipzig dhe qeveria gjermane ka vlerësuar qartë se Rusia është pas kësaj."
Ndërkohë Presidenti ukrainas Volodymyr Zelensky tha në një konferencë për shtyp pas bisedimeve me Donald Trump se është gati të takohet me Presidentin rus Vladimir Putin dhe se shefi i stafit të Shtëpisë së Bardhë mund të ndihmojë në organizimin e një takimi trepalësh. Ukrainska Pravda raportoi konferencën për shtyp të Zelensky.
Por Kremlini u përgjigj duke thënë se Aktualisht nuk ka parakushte për fillimin e negociatave të paqes për Ukrainën, megjithëse Rusia mbetet e hapur për këtë mundësi, deklaroi zëdhënësi i Kremlinit, Dmitry Peskov.
"Militarizimi i Ukrainës po vazhdon vërtet. Shtetet evropiane po kërkojnë gjithnjë e më shumë fonde për blerjen e armëve. Regjimi i Kievit vazhdon aktivitetet e tij terroriste", u tha Peskov gazetarëve. (A2 Televizion)
A2 CNN Livestream
MUND TE LEXONI GJITHASHTU
