Dy trena pasagjerësh në republikën çeke u përplasën të enjten, duke shkaktuar plagosjen e të paktën 45 personave, 5 prej të cilëve në gjendje të rëndë.
Siç raportohet aksidenti ndodhi në një rajon rreth 132 km në jug të Pragës ku treni ekspres R 658 u përplas me një tjetër tren mes stacioneve të Zlivi dhe Divçiçe rreth orës 6:20, shkruan A2 CNN.
Shtatë ekipe të shpëtimit dhe një helikopter mbërritën në vendin e ngjarjes duke evakuuar pasagjerët.
Ministri i Transportit Martin Kupka njoftoi në rrjetin social X se tragjedia është ende në hetim por informacionet paraprake sugjeronin se një prej trenave me gjasë kishte kaluar një sinjal, që ndalonte lëvizjen, përcjell A2 CNN.
Të dy trenat e kanë dalluar njëri-tjetrin disa qindra metra larg por nuk kanë qenë në gjendje të ndalojnë. (A2 Televizion)
A2 CNN Livestream
MUND TE LEXONI GJITHASHTU
