Gjatë vizitës së saj në SHBA, Presidentja e Kosovës Vjosa Osmani është ndalur dhe në një vizitë në Shoqatën shqiptare "Bijtë e shqipes" në Filadelfia.
Ajo vlerëson angazhimin e çdo shoqate që kontribuon për të ardhmen e Kosovës, pasi sipas saj zëri i tyre është i fuqishëm në institucionet amerikane.
Presidentja Osmani theksoi rolin e shqiptarëve të Amerikës, duke e quajtur kontributin e tyre të pazëvendësueshëm jo vetëm për lirinë dhe pavarësinë e Kosovës në vitet '90, por edhe në ditët e sotme.
"Shqiptarët këtu në Amerikë janë zë i fuqishëm në institucionet amerikane dhe shndërrohen në urë lidhëse mes SHBA-së dhe Kosovës ," deklaroi Osmani.
Vizita kishte si qëllim mirënjohjen dhe nxitjen e organizimit të mëtejshëm të diasporës, për të ngritur zërin në mbrojtje të Kosovës dhe të të drejtave të shqiptarëve kudo që jetojnë. (A2 Televizion)
A2 CNN Livestream
MUND TE LEXONI GJITHASHTU
