Avokati serb Ivan Niniq ka publikuar në platformën ‘X’ pamje të veturës së shkatërruar të Milan Vukashinoviqit nga Leposaviqi, i cili u plagos fundjavën e kaluar nga forcat e xhandarmërisë serbe, në rrethana ende të paqarta pranë fshatit Jelakce.
Sipas raportimeve, Vukashinoviq është dërguar me urgjencë në një spital në Nish, ku po lufton për jetën.
Niniq, përmes postimit të tij, ka deklaruar se “Vukashinoviq është qëlluar padyshim me një plumb serb, si një kafshë”. Avokati akuzon autoritetet serbe për dhunë ndaj qytetarëve të pafajshëm, duke i bërë thirrje institucioneve ndërkombëtare që të reagojnë.
Definitivno je Srbin MILAN VUKAŠINOVIĆ streljan srpskim metkom, kao životinja!
— Ivan Ninić (@INinic) November 8, 2025
Danas je pronađen MILANOV automobil koji je uništen prilikom napada na njega!
Pozivam Eulex i Kfor da izvrše uviđaj lica mesta, ali MEĐUNARODNU ZAJEDNICU da reaguje, jer ovo je "Banjska 2" ???? pic.twitter.com/ztAVY40xUS
“Makina e Milanit, e cila u shkatërrua gjatë sulmit ndaj tij, u gjet sot! I bëj thirrje EULEX-it dhe KFOR-it të kryejnë një hetim në vendngjarje, ndërsa komunitetit ndërkombëtar të reagojë, sepse kjo është ‘Banjska 2’”, shkroi Niniq.
Avokati theksoi se rasti ngre shqetësime serioze për sigurinë e qytetarëve në veri të Kosovës dhe kërkoi transparencë të plotë në hetimet lidhur me ngjarjen. (A2 Televizion)
A2 CNN Livestream
MUND TE LEXONI GJITHASHTU
