Sekretari i Përgjithshëm i Ministrisë së Jashtme greke, Theocharis Lalakos ka zhvilluar një takim me Fredi Belerin në paraburgimin e Vlorës. Që në krye të herës, Lalakos e ka quajtur të papranueshëm arrestimin e Belerit, nën akuzën për blerje votash.
Kjo është vizita e dytë brenda pak ditësh në qeli për Fredi Belerin. Më herët ka qenë ambasadorja greke në Tiranë, Konstantina Kamitsi, e cila pas takimit, refuzoi të jap detaje për mediat.
Fredi Beleri qëndron prej 6 ditësh në burg ku akuzohet për blerje votash, e ndërsa nga qelia mësoi se arriti të fitonte dhe të shpallej kryebashkiak në Himarë.
Ndërkohë, sot ministri i Jashtëm grek, Nikos Dendias, përsëriti thirrjen drejtuar autoriteteve shqiptare që të lënë të lirë kandidatin fitues të zgjedhjeve në Bashkinë e Himarës, Fredi Beleri. Diplomati grek u shpreh se nuk e kupton se përse Beleri ndodhet ende në paraburgim, teksa kërcënoi se kjo situatë mund të ndikojë seriozisht në marrëdhëniet mes Shqipërisë dhe Greqisë. (A2 Televizion)
A2 CNN Livestream
MUND TE LEXONI GJITHASHTU
