
Ministri i Infrastrukturës dhe Energjisë, Enea Karakaçi, inspektoi punimet në segmentin rrugor Kthesa e Bërdicës - Ura e Bahçallëkut në bashkinë Shkodër, raporton A2 CNN.
Vizita u fokusua në ecurinë e punimeve dhe respektimin e afateve të zbatimit të projektit. Ky segment konsiderohet i rëndësishëm për përmirësimin e infrastrukturës rrugore në zonë, shkruan A2 CNN.
“Kemi kërkuar që kontraktorët të përshpejtojnë ritmin, sepse jemi në fillimin e sezonit turistik. Do marrim masat bashkë me policinë që të kemi një plan trafiku më të mirë”, u shpreh Karakaçi. (A2 Televizion)